Nexweşxane: Xetereya li ser jiyana Sirri Sureya Onder didome
Êvara Sêşemê saet di 22:00an de Onder ji ber pirsgirêkeke giran a dil rakirin beşa nexweşên giran a Nexweşxaneya Florence Nightingale ya Stenbolê. Onder demildest emeliyat kirin û emeliyata wî bi qasî 8 saetan dom kir. Demarê aortê yê ku diriyabû dûrandin.
Nexweşxaneya Florence Nightingale derbarê rewşa Sirri Sureyya Onder de saet di 10.20an de daxuyaniyeke nivîskî da.
Di daxuyaniyê de hat diyarkirin ku her çend emeliyat bi serketî be jî nîvê rastê yê dil baş nebûye û wan Onder bi amûra desteka gera dil birine beşa nexweşên giran û xeteraya li ser jiyana wî hê jî didome.
Di daxuyaniyê de wiha hat gotin:
“Sirri Sureyya Onder, ji aliyê tîmên Ambulansa 112an ve bê nabiz, bi entubasyonê û bi masaja dil û pişikê derdora saet 22:41an gihîştiye nexweşxaneya me.
Li beşa me ya acîlê, piştî masaja dil û pişkê ku nêzîkî 10 deqeyan berdewam kir, gera xwîna dest pê kir.
Di encama ekokardiyografiya acîl de hat zanîn demarê wî yê aortê qetiyaye û xwîna wî rijayiye.
Paşê saet 23:05an dubare rîtma dilê têk çû û nabiz û gera xwînê rawestiye.
Masaja dilî jê re hat kirin û em ew bir beşa emeliyatxaneyê û saet 23:35an neştergeriyê dest pê kir.
Di emeliyatê de hate tespîtkirin ku dîsseksiyona aortê ji koronera rastê dest pê kiriye û tevahiya aortayê girtiya nav xwe.
Li gorî rêzê ji demara koronerê ya rastê by-pass hatiye kirin, deriyê aortê hatiye guherandin.
Tevî hemû pêvajoyên emeliyatê bi serkeftî derbas bûne jî pirsgirêk didome û nîvê dilî yê rastê baş kar nake lê nîvê çepê baş kar dike.
Piştî emeliyata ku nêzîkî 12 saetan berdewam kir, me nexweşê xwe Birêz Onder bi amûra ECMOyê veguhast beşa çavdêriya hûr a taybet.
Metirsiya li ser jiyana wî hîn jî berdewam dike.”
Piştî emeliyatê dilê Onder ji nû ve dan lêdan û ji ber ku rîtma dilê wê ne di rewşa asayî de ye li bendê ne ku bi demê re rîtm rêkûpêktir bibe.
Piştî ku Onder ferq dike krîza dil derbas dike, kesên li malê ne hişyar dike û bang li ekîbên tenduristiyê dikin. Her weha ekîbên tenduristiyê midaxeleya destpêkê li malê û piştre jî di ambulansê de dikin û nahêlin dilê wî bisekine. Di kontrolên destpêkê ên ku li nexweşxaneyê hatin kirin de tê dîtin ku demarê aortê yê sereke yê Onder diriyaye.
Waliyê Stenbolê Davut Gul ragihand ku emeliyata Onder di warê emeliyata dil de emeliyata herî mezin e, dê 7-8 saetan bidome û dê roja Çarşemê derdora saet di 08:00 de biqede. Tê gotin ku piştî emeliyat bi serketî bi dawî bibe dê Onder 3 rojan di xewê bê hîştin. Hat ragihandin ku hê jî 3 cerrah di emeliyatê de ne.
Li ser hesabê medyaya civakî ya DEM Partiyê hat ragihandin ku Onder ji bo dermankirinê li nexweşxaneyê ye û mudaxeleya pêwîst a tenduristiyê hatiye kirin. Di daxuyaniyê de hat gotin ku, "Rewşa tenduristiyê ya Alîkarê Serokê Meclîsê yê mê Sirri Sureyya Onder bi baldarî tê şopandin. Agahiyên pêwîst wê bi raya giştî re bên parvekirin”.
DEM Partiyî li pêş nexweşxaneyê ne
Girseyeke qelebalix li ber deriyê Nexweşxaneya Florence Nightingaleyê kom bûn ku Onder li wê nexweşxaneyê ye. Parlamentera DEM Partiyê û Hevseroka berê û endama Şandeya Îmraliyê Pervîn Buldan, Endamê Şandeya Îmraliyê Faîk Ozgur Erol, endamê MYKê yê DEM Partiyê Tayip Temel, Hevseroka berê ya HDPê Sebahat Tuncel, Hevberdevkê berê yê HDKê Sedat Şenoglû û Serokê Giştî yê TÎPê Erkan Baş li ber nexweşxaneyê ne.
*Fotograf: Tuğçe Yılmaz / bianet / Nexweşxaneya Florence Nightingaleyê
DEM Parti İmralı Heyeti üyesi ve Meclis Başkanvekilimiz Sırrı Süreyya Önder bu akşam geçirdiği ciddi kalp rahatsızlığı nedeniyle hastaneye kaldırılmıştır. Durumu ciddiyetini koruyan Önder’e doktorlar tarafından gerekli müdahale yapılmaya devam edilmektedir. En kısa zamanda iyi… pic.twitter.com/U4YDJOwEjM
— DEM Parti (@DEMGenelMerkezi) April 15, 2025
Wezareta Tenduristiyê: "Dermankirina Onder didome"
Wezareta Tenduristiyê jî ragihand ku Alîkarê Serokê Meclisê û Parlamenterê Stenbolê Sirri Sureyya Onder ji ber nexweşiya wî birine nexweşxaneyê. Wezaretê diyar kir ku dermankirina Onder dewam dike û da zanîn ku geşedanên derbarê rewşa wî ya tenduristiyê de wê di saetên pêş de bi raya giştî re bê parvekirin.
TBMM Meclis Başkanvekili ve İstanbul Milletvekili Sırrı Süreyya Önder geçirdiği rahatsızlık sonucu hastaneye kaldırılmıştır.
— T.C. Sağlık Bakanlığı (@saglikbakanligi) April 15, 2025
Tedavisi hastanede devam etmektedir.
(AEK/AY)